PBB Double Up: The secret will be revealed on Oct.4 Live on ABS-CBN!

PARATING na ang takdang panahon upang ibun­yag ang lihim ng Pinoy Big Brother Double Up sa pagbubukas nito sa Linggo (Oktubre 4) nang 7:30 PM live sa ABS-CBN.
Makikilala na ng bayan ang mga bagong housemate ni Kuya sa isang gabing puno ng surpresa at mahika. Malalaman na rin ang bagong twist, na sinasabing unang beses gagawin sa kasaysayan ng “Big Brother.”
Buong puwersa ng PBB ang sasalubong sa mga bagong mukha at personalidad na aabangan sa telebisyon. Darating ang mga dating housemates at siyempre, kumpleto ang mga host na sina Mariel Rodriguez, Bianca Gonzales at Toni Gonzaga.


Sa ikatlong regular season ng PBB, buong linggo ninyong makakasama si Kuya. Mula Lunes hanggang Biyernes, mapapanood ang doble sa siksik na Pinoy Big Brother Uber, ang double sa kulit na PBB Games Uplate at ang double sa surpresang Pinoy Big Brother Double Up sa primetime, pagkatapos ng Dahil May Isang Ikaw sa ABS-CBN.
Sa Studio 23, aabangan ang weekly highlights sa loob ng bahay ni Kuya sa PBB Weekend Primetime, tuwing Sabado at Linggo nang 6:00 PM simula Oktubre 10. Samahan ang housemates sa Pinoy Big Brother Strea­ming tuwing 1:00 PM simula Oktubre 12.